Ֆրանսիայի Հայ Դատի հանձնախումբը ողջունել է Նանտերի դատարանի որոշումը Ադրբեջանի հարուցած դատական հայցի դեմ

Ֆրանսիայի Հայ Դատի հանձնախումբը ողջունել է Նանտեր քաղաքի դատարանի որոշումը, որն «անընդունելի» է որակում Ադրբեջանի՝ ֆրանսիացի լրագրողներ Էլիզ Լուսեթի և Լորան Ռիշարի, ինչպես նաև «Ֆրանս Թելեվիժըն»-ի դեմ հարուցած դատական հայցը:

Ֆրանսիայի Հայ Դատի հանձնախմբի տարածած հայտարարության մեջ նշվել է, որ ֆրանսիական արդարադատությունը հաստատում է, որ բռնատիրական պետությունը չի կարող ֆրանսիական հողի վրա հեղինակազրկությամբ զբաղվել:

«Ադրբեջանում բռնատիրություն է, և այդ մասին կարող ենք ոչ միայն ասել, այլև հայտարարել ու հաստատել՝ առանց ենթարկվելու պարոն Ալիևի բռնաճնշմանը»,- հայտարարել է Ֆրանսիայի Հայ Դատի հանձնախմբի նախագահ Հարութ Մարտիրոսյանը: