Ջիգարխանյանը չի ձերբակալվել. դերասանի ընկերը հերքում է

Հայտնի դերասան Արմեն Ջիգարխանյանի ընկեր Արթուր Սողոմոնյանը հերքել է ԶԼՄ-ներում երեկ հայտնված այն տեղեկությունը, թե Ջիգարխանյանին ձերբակալել են, երբ նա փորձել է մուտք գործել Մոլոգվարդեևսկայա փողոցում գտնվող իր բնակարանը. հայտնում է РИА Новости-ն:

«Հերթական սուտն է: Արմեն Բորիսովիչը եկել էր, որպեսզի վերցներ իր փաստաթղթերը: Վիտալինան չի տվել ոչ մի փաստաթուղթ, այդ թվում` արտասահմանյան անձնագիրը, թոշակի վկայականը և բժշկական ապահովագրությունը»,- մանրամանել է դերասանի ընկերը:

Ջիգարխանյանի ընկերը դերասանի անունից խնդրել է լրագրողներին` չներխուժել իր կյանքը: Նա նաև հայտնել է, որ Ջիգարխանյանը վերսկսել է աշխատանքները թատրոնում: