Մեծամորի ատոմակայանի փակվելու մասին խոսակցությունները կապ չունեն իրականության հետ. Սերժ Սարգսյան

Հայաստանի և ԵՄ-ի միջև պայմանագրի ստորագրման պատճառով Մեծամորի ատոմակայանը փակելու մասին խոսակցությունները արհեստական են և կապ չունեն իրականության հետ. РИА Новости-ին ասել է ՀՀ նախագահ Սերժ Սարգսյանը:

ՀՀ նախագահը նշել է, որ ԵՄ-ի հետ համաձայնագրում անգամ չի հիշատակվում ատոմակայանի փակման մասին: Ըստ նրա` ատոմակայանը գործում է Ատոմային էներգիայի միջազգային գործակալության չափանիշներին համապատասխան և կշարունակի գործել նվազագույնը մինչև 2027 թվականը:

«Մենք կարծում ենք, որ մեր անվտանգության, առաջին հերթին` էներգետիկ անվտանգության համար ատոմային էներգետիկան միշտ կլինի Հայաստանում»,- ասել է Սերժ Սարգսյանը: