Անելու ենք ամեն ինչ՝ Մեծամորի ատոմակայանի կյանքը երկարացնելու համար․ Ռոբերտ Քոչարյան

«Անելու ենք ամեն ինչ՝ Մեծամորի ատոմակայանի կյանքը երկարացնելու համար, անկասկած»,- Մեծամորում ընտրողների հետ հանդիպման ժամանակ ասաց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

«Հայաստանը պարտավորվել էր փակել ատոամակայանը դեռ 1995 թվականին։ Հրազդանի 5-րդ բլոկն սկսեց վարկավորվել EBRD-ի կողմից այն պայմանով, որ այն կառուցվում է, և ատոմակայանը փակվում է։ Այն ժամանակ ես կասեցրել եմ այդ գործընթացը։ Չինական կողմի հետ կոնսերվացրել ենք 5-րդ բլոկը, հասել ենք նրան, որ Եվրամիությունն ԱԷԿ-ի փակումը հանել է օրակարգից, պայմանավորվել ու բավականին լուրջ ծախսեր ենք արել ատոմակայանի անվտանգությունն ապահովելու համար։ Միայն այդքանից հետո 5-րդ բլոկի վրա աշխատանքներն ավարտել ենք ռուսական «Գազպրոմ» ընկերության ֆինանսավորմամբ»,- պատմեց Քոչարյանը։

Նա ավելացրեց, որ շատ հավանական է՝ ԱԷԿ-ը վաղուց փակված կլիներ․ կոնկրետ ժամկետներ էին ֆիքսված։ «Մենք հասկանում ենք, որ Մեծամոր քաղաքը կառուցվել է ատոմակայանի շուրջ։ Հասկանում ենք նաև, որ աշխատատեղ ապահովելու առումով միայն ատոմակայանը քիչ է, հատկապես աշխատատեղ է պետք ստեղծել կանանց համար»,- ասաց երկրորդ նախագահը։

Մանրամասն՝ տեսանյութում։