Ադրբեջանի համապատասխան կառույցները օտար լեզուների չեն տիրապետում. Լապշինի ուշագրավ գրառումը

Բլոգեր Ալեքսանդր Լապշինը հերթական գրառումն է արել իր բլոգում: Նա անդրադարձել է ադրբեջանական «սև ցուցակում» ներառված ևս մեկ մարդու, որին նա որակում է որպես արժանի: Խոսքը ճանապարհորդ Սաշա Ալիմովի մասին է, ով վերջերս այցելել է  ԼՂՀ և հայտնվել «սև ցուցակում»:

Լապշինը հետաքրքիր հետևություն է անում, ըստ նրա` ցուցակում հայտնվում են միայն այն բլոգերները և լրագրողները, ովքեր ռուսերեն գիտեն, ցուցակում չկա որևէ լրագրող, ով գրում է անգլերեն կամ այլ լեզվով:

«Կարծում եմ` դա կապված է այն բանի հետ, որ Ադրբեջանի համապատասխան կառույցներում լավ չգիտեն օտար լեզուներ: Պատկերացրեք` CNN-ում հրապարակված` լրագրողի նյութը հասկանալու համար պրոֆեսոր է պետք լինել: Ուշադրություն դարձրեք` ինչպես են ադրբեջանական «գիտունիկները» գրում`«..visited TO occupied territories», այն դեպքում, երբ «to»-ն ավելորդ է»,- գրել է Լապշինը: