Վեց տարի աշխատում, վեպ ես գրում, քեզ ուղղված առաջին հարցը լինում է Էրդողանի մասին. Փամուքը զայրացել է

Գրող, Նոբելյան մրցանակակիր Օրհան Փամուքը դժգոհել է իրեն հաճախակի ուղղվող քաղաքական հարցերից:

Ըստ Demokrathaber-ի՝ ֆրանսիական թերթին տված հարցազրույցում Փամուքը խոսել է իր նոր՝ «Գլխումս տարօրինակություն է» գրքի մասին, և նրան զայրացրել է քաղաքականության մասին խոսելու առաջարկը:

«Իմ գիրքը չընթերցած մարդիկ հարց են ուղղում իմ երկրում քաղաքականության մասին: Իսկ ես ակնկալում եմ իմ վեպի վերաբերյալ քննարկումներ: Կյանքիս վեց տարիները տրամադրել եմ նոր գիրքս գրելուն, իսկ ինձ ուղղվող առաջին հարցը «Էրդողանի մասին ի՞նչ եք մտածում» է: 650 էջանոց գիրք ես գրում և առաջին հարցը դարձյալ Էրդողանի մասին է»,- դժգոհել է Փամուքը: