Թուրք նախարարը ծանր է տարել Էրդողանի մասին Մակրոնի խոսքերը

Թուրքիայի էկոնոմիկայի նախարար Նիհաթ Զեյբեքչին ծանր է տարել Ֆրանսիայի նախագահ Էմանուել Մակրոնի խոսքերը, թե «Էրդողանի հետ խոսելը զիլ չէ»:

Միջանկյալ հիշեցնենք, որ  Մակրոնը հարցազրույցի  ընթացքում հայտարարել էր, որ երկրի ղեկավար լինելն այնքան էլ երանելի գործ չէ, որքան մարդիկ են կարծում: «Ես այնպիսի մարդ եմ, ով տասը օրը մեկ պարտավոր է Էրդողանի հետ խոսել»,- որպես օրինակ՝ նշել էր նախագահը: Հարցազրույցի ավարտին Մակրոնը շեշտել էր, որ իր ասածն Էրդողանին քննադատելու կամ ծաղրելու միտում չի ունեցել: «Պարոն Էրդողանի հետ հանդիպումները միշտ էլ շատ լուրջ են»,- ասել էր նա:

Թուրք նախարարը քննադատել է իր ղեկավարի հասցեին այդպիսի արտահայտություն հնչեցրած Մակրոնին՝ ասելով. «Չմոռանաս, որ Էրդողանի՝ քեզ հետ խոսելն անգամ մեծ պատիվ է»:

Նախարարը նաև համբերություն է մաղթել Էրդողանին՝ Մակրոնի նման «դաստիարակության սահմաններն անցնողների» հետ շփվելու հարցում:  «Կգա մի օր, որ ձեր հուշերում հպարտությամբ կպատմեք, որ խոսել եք Էրդողանի հետ»,- ասել է թուրք նախարարը: