Պուտինը մեկնաբանել է Էրդողանի՝ Երկրորդ համաշխարհային պատերազմի «մի բուռ» հաղթողների մասին խոսքերը

Թուրքիայի նախագահ Ռեջեփ Թայիփ Էրդողանը իրավացի է, որ Երկրորդ համաշխարհային պատերազմից հետո ուժերի որոշակի հարաբերակցություն կար, սակայն այժմ այն փոխվում է։ Այս մասին «Վալդայ» միջազգային քննարկման ակումբի լիագումար նիստում ասել է ՌԴ նախագահ Վլադիմիր Պուտինը։

Ըստ նրա՝ պետք է մտածել, թե ինչպես կարելի է ավելի հավասարակշռված դարձնել ՄԱԿ-ը, սակայն կազմակերպությունը բարեփոխելու հարցում սխալներ չպետք է թույլ տալ։

«Էրդողանը իրավացի է, այն (ՄԱԿ-ը) ծնվել է Երկրորդ համաշխարհային պատերազմից հետո, և եղել է ուժերի որոշակի հարաբերակցություն, հիմա այն փոխվում է... Ես ասել եմ Էրդողանին այս մասին։ Եթե մենք ոչնչացնենք հիմնական անդամների վետոն, ապա ՄԱԿ-ը կմեռնի նույն օրը։ Այն կդառնա Ազգերի լիգա։ Դա պարզապես քննարկման հարթակ կլինի: Վալդայ ակումբ-2»,- ասել է Պուտինը։

Ավելի վաղ Էրդողանը հայտարարել էր, որ մարդկության ճակատագիրը չպետք է թողնել «մի բուռ երկրների» ողորմածությանը, որոնք հաղթել են Երկրորդ համաշխարհային պատերազմում։ Նրա կարծիքով՝ անհրաժեշտ է ընդլայնել ՄԱԿ-ի բոլոր անդամների իրավունքները կազմակերպության Անվտանգության խորհրդի հինգ մշտական անդամների իրավունքների պես։