«Ուղեղի մթագնում». Թուրքիան քննադատել է Մակրոնի խոսքերը

Թուրքիայի Արտաքին գործերի նախարարությունը պատասխանել է Ֆրանսիայի նախագահ Էմանուել Մակրոնի՝ Լիբիայի ափամերձ հատվածում տեղի ունեցած միջադեպի և Լիբիայում Թուրքիայի կողմից իրականացվող «վտանգավոր խաղի» վերաբերյալ ՆԱՏՕ-ի «ուղեղի մահվան» մասին խոսքերին:

Ֆրանսիայի նախագահ Էմանուել Մակրոնը հայտարարել էր, որ Լիբիայի ափամերձ ջրերում Թուրքիայի և Ֆրանսիայի ռազմանավերի միջև տեղի ունեցած միջադեպը ՆԱՏՕ-ի «ուղեղի մահվան» ցուցադրումն է: Ֆրանսիայի ղեկավարը նաև խստորեն քննադատել է Թուրքիայի գործողությունները Լիբիայում՝ դրանք անվանելով «վտանգավոր խաղ»:

«Այն, որ Մակրոնը լիբիական օրինական կառավարության խնդրանքով մեր երկրի կողմից ցուցաբերվող աջակցությունը անվանել է «վտանգավոր խաղ», կարելի է բացատրել միայն նրանց ուղեղի մթագմամբ», - ասվում է Թուրքիայի արտգործնախարարության խոսնակ Համի Աքսոյի հայտարարության մեջ: