Երևանը կարող է նման ծախսեր իրականացնել. Տարոն Մարգարյանը` ճոխ ծախսերի մասին

Որոշ մարդիկ ուղղակի փորձում են քաղաքապետարանի աշխատանքը փնովել. լրագրողների հետ զրույցում Երևանի քաղաքապետ Տարոն Մարգարյանը նման կերպ բնութագրեց վերջերս մամուլում տեղ գտած հրապարակումը, ըստ որի` քաղաքապետը շարունակում է ճոխ ծախսեր իրականացնել բյուջեի հաշվին:

Նա նշեց, որ համաձայն չէ հնչեցված հարցի հետ, դրանք ուղղակի քաղաքապետարանի` վերջին տարիներին ունեցած հաջողությունները փնովելու փորձեր են:

«Ուղղակի ուզում են մեր քաղաքացիների ականջին հաճելիորեն «նստեցնել» ֆինանսների հետ կապված հարցը: Ես այդ կարծիքին չեմ: Երևան քաղաքն իր բյուջեով ու ծրագրային մոտեցումներով կարող է նման ծախսեր իրականացնել ու ներկայանալի դառնալ այլ երկրներում ու քաղաքներում»,- ասաց քաղաքապետը: