ՌԴ-ն ցանկանում է, որ Ղազախստանն առաջատար դեր ստանձնի ԵԱՏՄ-ում

ՌԴ առաջին փոխվարչապետ Իգոր Շուվալովը կարծում է, որ Եվրասիական տնտեսական միությունում Ղազախստանը կարող է առաջատար դեր ստանձնել շատ հարցերի լուծման գործում. հայտնում է Интерфакс-ը:

«Այստեղ Ռուսաստանի համար բավականաչափ վտանգավոր է առաջնորդություն դրսևորելը, թեև մենք ունենք և' մասնագետներ, և' ըմբռնում, և' մեր հաստատված օրակարգը: Բայց հենց մենք վերցնենք այդ դերը մեզ վրա, անմիջապես աղմուկ կլինի, թե դա Կրեմլի քաղաքական նախագիծն է, և այդպես շարունակ»,- պարզաբանել է նա:

Շուվալովի խոսքով` ԵՏՄ ստեղծելու գաղափարը հենց Ղազախստանի նախագահինն է: Նա նաև հույս է հայտնել, որ ԵՏՄ այլ գործընկերները կաջակցեն այդ դիրքորոշմանը: