Հրանուշ Հակոբյանն ընդունել է ՀՄԸՄ-ի կենտրոնական վարչության անդամներին

Սփյուռքի նախարար Հրանուշ Հակոբյանը երեկ ընդունել է ՀՄԸՄ-ի (Հայ Մարմնակրթական Ընդհանուր Միության) կենտրոնական վարչության ատենապետ Գառնիկ Մկրտիչյանին և վարչության անդամ վաչե Նաճարյանին:

Հանդիպման ընթացքում նախարարը կարևորել է համահայկական կազմակերպության հայանպաստ գործունեությունը և իր գոհունակությունը հայտնել ՀՄԸՄ-ի 10-րդ մարզախաղերը հայրենիքում կազմակերպելու համար:

Նախարարը նշել է, որ Երևանի հիմնադրման 2800-ամյակի, Հայաստանի Առաջին Հանրապետության և Հայ մարմնակրթական ընդհանուր միության 100-ամյա հոբելյանների նախաշեմին նման լայնածավալ նախաձեռնության կազմակերպումը յուրահատուկ խորհուրդ ունի:

Գառնիկ Մկրտիչյանն իր հերթին նշել է, որ ՀՄԸՄ-ի կառույցը Հայաստանի շուրջ է համախմել հայ երիտասարդությանը: Նա ընդգծել է, որ ՀՄԸՄ-ի համահայկական խաղերը Հայաստանում են անցկազվում արդեն 3-րդ անգամ: Այդ տարի՝ 10-րդ մարզախաղերին մասնակցում ՝ աշխարհի 19 երկրներից ժամանած 1250 հայ երիտասարդ: