Հրանուշ Հակոբյանն ընդունել է ՀԲԸՄ ներկայացուցիչներին

Մարտի 1-ին ՀՀ սփյուռքի նախարար Հրանուշ Հակոբյանն ընդունեց Դամասկոսի հայոց թեմի ատենապետ և ՀԲԸՄ  կենտրոնական վարչական ժողովի անդամ Վազգեն Յակուբյանին,  ՀԲԸՄ հայաստանյան գրասենյակի տնօրեն Արփի Վարդանյանին և ՀԲԸՄ անդամ Հովիկ Յորդեկյանին:

Հանդիպման ընթացքում քննարկվեցին  մի շարք ծրագրերի շրջանակներում նախնական պայմանավորվածությամբ  իրականացվելիք աշխատանքները:

Նախարար Հ. Հակոբյանը  կարևորեց  համահայկական նշանակության հիմնախնդիրների լուծմանն ուղղված  համատեղ ծրագրերի իրականացումը:

Սիրիահայերի համար Սփյուռքի նախարարության և ՀԲԸՄ-ի կողմից համատեղ իրականացվող բարեգործական ձեռնարկները ևս համագործակցության նշանակալի արդյունքներից են: ՀԲԸՄ ներկայացուցիչները նշեցին, որ իրենք վերջերս Հայաստանում գտնվող սիրիահայերին տաք հագուստ բաժանեցին, սակայն առաջիկայում նախատեսում  են առավել մնայուն ու հեռանկարային ձեռնարկներ իրականացնել՝ կարևորելով նրանց աշխատանք ձեռք բերելու խնդիրը: Հ. Հակոբյանն առաջարկեց ուշադրության առանցքում պահել և օժանդակել այն սիրիահայերին, ովքեր ձեռնարկատիրական առաջին քայլերն են սկսել: