Եվրամիությունը վատնում է Թուրքիայի ժամանակը. Էրդողանը՝ BBC-ին

Թուրքիայի նախագահ Ռեջեփ Թայիփ Էրդողանը հարցազրույց է տվել բրիտանական BBC-ին՝ հերթական անգամ անդրադառնալով Թուրքիայի՝ ԵՄ անդամակցությանը:

Ըստ BBC-ի՝ «Hardtalk» հաղորդման ընթացում Էրդողանը հայտարարել է, որ ԵՄ-ն վատնում է Թուրքիայի ժամանակը:

«Մենք հավատարիմ ենք մեր խոսքին: Եթե ԵՄ-ն բացահայտորեն ասի, որ Թուրքիան չի կարող անդամակցել ԵՄ-ին, մեզ համար հանգստացնող կլինի: Մենք կանցնենք մեր երկրորդ, կամ երրորդ պլանին: ԵՄ-ն վատնում է Թուրքիայի ժամանակը: Թուրքիան կարող է իր ոտքերի վրա կանգնել»,-նշել է Թուրքիայի նախագահը:

Նրա խոսքով՝ ԵՄ անդամակցության հարցը Թուրքիայի համար այնքան էլ պարտադիր չէ: «Մենք շատ հանգիստ ենք այդ առումով»,-ասել է նա:

Զրույցի ընթացքում Էրդողանն անդրադարձել է նաև իր երկրում անազատության մեջ պահվող 150 լրագրողներին: Նա կտրականապես հերքել է այդ թիվը՝ պնդելով, որ բանտում են պահվում երկու լրագրող:  

Տեսանյութը՝ այստեղ: