Ինձանից շատ եք խոսում. Էրդողանը հանդիմանել է BBC-ի լրագրողին

Տեղեկացրել էինք, որ Թուրքիայի նախագահ Ռեջեփ Թայիփ Էրդողանը հարցազրույց է տվել բրիտանական BBC-ին՝ անդրադառնալով իր երկրում լրագրողների բանտարկությանը:

Ըստ Sozcu-ի՝ հայտնի է դարձել, որ BBC-ի թղթակցի հետ զրույցի ընթացքում Էրդողանը անսպասելի արտահայտություն է հնչեցրել լրագրողի նկատմամբ:

«Այս պահին դուք ինձանից շատ եք խոսում: Դուք ինձանից ավելի ազատ եք և ինձ ազատության իրավունք չեք տալիս: Ինձ հետ հարցազրույց եք իրականացնում, սակայն ինձ՝ խոսելու առիթ չեք տալիս»,-վրդովվել է Էրդողանը, ում այնքան էլ դուր չի եկել լրագրողների ապօրինի ձերբակալությունների վերաբերյալ հնչած հերթական հարցը:

Հիշեցնենք, որ այս հարցազրույցի ընթացքում Էրդողանը հերքել է իր երկրում 150 լրագրողի կալանավորման մասին փաստացի տեղեկությունները՝ ասելով՝ «Թուրքիայում ձերբակալված ընդամենը երկու լրագրող կա»: