Մանախն ազատ է արձակվել

ՀՀ վերաքննիչ քրեական դատարանը մասնակի բավարարել է Արթուր Այվազյանի՝ Մանախի պաշտպան Հայկ Ալումյանի բողոքն ու գրավի դիմաց ազատ արձակել նրան:

Այս մասին Yerkir.am-ին տեղեկացրեց Հայկ Ալումյանը

Հիշեցնենք, որ 2017 թվականի մարտի 31-ին՝ ժամը 23:15-ին, Նիկոլ Փաշինյանից ահազանգ է ստացվել ՀՀ ոստիկանության Երեւան քաղաքի վարչության օպերատիվ կառավարման կենտրոնում, որ «Ելք»-ի վստահված անձանց նկատմամբ Երեւան քաղաքի Սվաճյան ու Անդրանիկ փողոցների խաչմերուկում տեղի է ունեցել զինված հարձակում, գողացել են քարոզարշավի դրոշները:

Ոստիկանության Մալաթիայի բաժնում 2017 թվականի ապրիլի 1-ին հարուցվել էր քրեական գործ:

Նախաքննությամբ ձեռք բերված նախնական փաստական տվյալների հիման վրա՝ ապրիլի 3-ին Ա.Այվազյանին մեղադրանք էր առաջադրվել՝ ՀՀ քրեական օրենսգրքի 258-րդ հոդվածի 2-րդ մասով և 235-րդ հոդվածի 1-ին մասով։

Այվազյանն իրեն առաջադրված մեղադրանքը չէր ընդունում, ավելին պնդում էր, որ տուժողն ինքն է: