կարևոր
3283 դիտում, 1 տարի առաջ - 2022-11-16 18:22
Հասարակություն

Դատավոր Արուսյակ Ալեքսանյանի օգնականն ազատ է արձակվել

Դատավոր Արուսյակ Ալեքսանյանի օգնականն ազատ է արձակվել

ՀՀ վերաքննիչ քրեական դատարանը նախագահությամբ դատավոր Ա. Բեկթաշյանի այսօր՝ նոյեմբերի 16–ին, բավարարել է փաստաբանների՝ Վերաքննիչ բողոքը եւ դատավոր Արուսյակ Ալեքսանյանի օգնականն  ազատ է արձակվել դատական նիստերի դահլիճից։ Այս մասին ֆեյսբուքյան իր էջում հայտնել է փաստաբան  Գարիկ Գալիկյանը։

Հիշեցնենք՝ դատարանը հոկտեմբերին կալանավորել էր դատավոր Արուսյակ Ալեքսանյանին, նրա օգնականին եւ փաստաբան Էրիկ Ալեքսանյանին։ Դատավորը մեղադրվում է ակնհայտ անարդար դատական ակտ կայացնելու եւ պաշտոնական լիազորությունները անցնելու համար։ Արուսյակ Ալեքսանյանի լիազորությունները կասեցված են։

Օգնականը մեղադրվում է դատավոր Արուսյակ Ալեքսանյանին պաշտոնեական լիազորություններն անցնելու եւ ակնհայտ անարդար դատական ակտ կայացնելու հարցում օժանդակելու մեջ։

Էրիկ Ալեքսանյանն էլ մեղադրվում է պաշտոնատար անձի կողմից լիազորություններն անցնելու հարցում օժանդակելու մեջ։