Տպավորություն է, որ ձեզ քիչ առաջ ասել են` այլևս վարչապետ չեք լինելու. Էդմոն Մարուքյանը` վարչապետին

ԱԺ «Ելք» խմբակցության պատգամավոր Էդմոն Մարուքյանը ԱԺ նիստում նշեց, թե չի հասկանում, թե ինչու է վարչապետն «էդքան անհավես ու անէմոցիա ներկայացնում կառավարության ծրագիրը»: Ըստ նրա` վարչապետն այսպիսին չէր, երբ առաջին անգամ ներկայացնում էր ծրագիրը:

«Այնպիսի տպավորությւոն է, որ ձեզ քիչ առաջ ասել են` այլևս վարչապետ չեք լինելու: Ինձ մի հարց է հետաքրքրում` Դո՞ւք եք լինելու 2018թ.-ին վարչապետ, ասեք` իմանանք, թե ում հետ գործ ունենք: Մեր երկիրը չի կարող այդքան երկար սպասումների մեջ լինել: Եթե այսքան անհավես եք, տպավորություն է` Դուք չեք լինելու հաջորդ վարչապետը»,- ասաց Մարուքյանը:

Ի պատասխան` Կարեն Կարապետյանը նշեց, թե այս պահին գործ ունեն գործող վարչապետի հետ: «Անհավես չեմ ու չգիտեմ` ոնց անեմ, որ նման տպավորություն չթողնեմ: Փաստորեն, կֆիքսեմ, որ համաձայն եմ Ձեզ հետ, քանի որ այդ հարցին պատասխան չունեմ»,- ասաց նա: