Ղազախստանն ու Հայաստանը կճանաչեն միմյանց ռեզիդենտությունը հաստատող պաշտոնական փաստաթղթերը

Կառավարության վաղվա նիստի օրակարգում ՊԵԿ-ը ներառել է հարց` համաձայնություն տալ «2006թ. նոյեմբերի 6-ի՝ «ՀՀ  Կառավարության և Ղազախստանի Կառավարության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին» Կոնվենցիայի և դրան կից Արձանագրության շրջանակներում ՀՀ  և Ղազախստանի պետական մարմինների կողմից տրված՝ ռեզիդենտությունը հաստատող պաշտոնական փաստաթղթերի ճանաչման կարգի վերաբերյալ հայտագրերի փոխանակման ձևով Համաձայնագրի  կնքման առաջարկությանը:

Համաձայնագրի նպատակն է ստեղծել ավելի արդյունավետ և պարզեցված մեխանիզմ «ՀՀ կառավարության և Ղազախստանի կառավարության միջև եկամուտների և գույքի կրկնակի հարկումը բացառելու և հարկումից խուսափելը կանխելու մասին» Կոնվենցիայի շրջանակներում ներկայացվող պաշտոնական փաստաթղթերի ճանաչման հարցում:

Սույն Համաձայնագրով նախատեսվում է, որ Ղազախստանի Հանրապետության լիազոր մարմնի կողմից տրամադրված և զինանշանի կնիքով հաստատված փաստաթղթերը ընդունվում են Հայաստանի տարածքում (և հակառակը) առանց որևէ այլ հատուկ հավաստման, այդ թվում նաև՝ առանց ապոստիլով հաստատման կամ հյուպատոսական վավերացման: