Պետք է դասեր քաղենք. պաշտպանության փոխնախարարը` տեղեկատվական պատերազմի մասին

Ապրիլյան պատերազմը ցույց տվեց մեր տեղեկատվական բացերը, սոցցանցերում ունեցանք սահմանից եկող տեսանյութեր, կադրեր, որոնք մի կողմից ոգևորություն էին առաջացնում, մյուս կողմից` խուճապ: Այս մասին այսօր «Ռազմական լրագրություն» խորագրով դասընթացի ժամանակ լրագրողների հետ զրույցում ասաց ՀՀ պաշտպանության նախարարի տեղակալ Արտակ Զաքարյանը:

«Իհարկե, նույն խնդիրներն Ադրբեջանում էին: Արդբեջանի սխալ տեղեկատվական կառավարումը շատ դեպքերում խուճապ էր առաջացնում հենց իրենց երկրում»,-ասաց նա` միաժամանակ նշելով, որ մենք իրավունք չունենք հանգիստ լինելու, որ հակառակորդն ավելի անհանգիստ է:

«Բոլոր դասերը պետք է ֆիլտրել, կշռադատել , կանոնակարգել, ինչը հնարավոր է կանոնակարգել իրավական նորմերով, և որոշակի մեխանիզմներ մշակել: Պետք է կանոնակարգել այնպես, որպեսզի տեղեկատվական պատերազմը ճիշտ կարողանանք վարել»,- ասաց Զաքարյանը: