Բոլորս պետք է տեղի ունեցած ողբերգությունից դասեր քաղենք. ՀՀ-ում ՌԴ դեսպանատուն

ՀՀ- ում ՌԴ դեսպանատունը հայտարարություն է տարածել Գյումրիում դաժանորեն սպանված ընտանիքի փոքրիկի` 6-ամսյա Սերյոժա Ավետիսյանի մահվան կապակցությամբ. «Մինչեւ վերջին րոպեն հույս ունեինք եւ աղոթում էինք Սերյոժա Ավետիսյանի համար, որի կյանքի համար պայքարում էին հայ եւ ռուս բժիշկները: Ցավոք, հրաշք տեղի չունեցավ, թեեւ բոլորս սպասում ու հավատում էինք:

Երեխայի կորուստը սարսափելի վիշտ է: Չկան այնպիսի բառեր, որոնք կարող են ամոքել սարսափելի ողբերգության ցավը: Բայց այդ պայմաններում էլ պետք է մարդ մնալ: Մեծամասնությունը դա գիտակցում է: Սուգը ողբ է եւ աղոթք: Մենք բոլորս պետք է տեղի ունեցած ողբերգությունից դասեր քաղենք եւ անենք ամեն ինչ, որ նման բան այլեւս չկրկնվի: Կարող ենք հավաստիացնել, որ հանցագործը եւ նրանք, ովքեր նրա թիկունքին կարող էին լինել, արժանի պատիժ կստանան»: