«Ելք»-ի առաջարկությունը չանցավ

Ազգային ժողովում նախագահի ելույթից հետո նիստը վարող Կնյազ Հասանովը ներկայացրեց նիստի օրակարգը: Սկզբում նիստը վարողը ներկայացրեց հաշվիչ հանձնաժողովի վերաբերյալ ՀՀԿ-ի առաջարկը, ըստ որի` հաշվիչ հանձնաժողովը բաղկացած կլինի 5 հանրապետական անդամից, «Ծառուկյան» դաշինքի երկու ներկայացուցչից և «Ելք» դաշինքի ու ՀՅԴ-ի մեկական ներկայացուցչից:

«Ելք» դաշինքից Նիկոլ Փաշինյանը դեմ արտահայտվեց այս որոշմանը, առաջարկեց իր տարբերակը, որ հաշվիչ հանձնաժողովում լինեն բոլոր խմբակցություններից երկուական ներկայացուցիչ:

ՀՀԿ-ական Վահրամ Բաղդասարյանն էլ նշեց, որ իրենց առաջարկած տարբերակը միայն դնեն քվեարկության: ՀՀԿ-ից Էդուարդ Շարմազանովն էլ, ողջունելով «Ելք»ի իր գործընկերներին, առաջարկեց երկու տարբերակն էլ դնել քվեարկության: «Ելք» դաշինքից Արտակ Զեյնալյանը նշեց, որ իրենք արդյունավետ առաջարկ են անում, և որ ճիշտ կլինի` իրենց առաջարկը ընդունվի:

Քվեարկությամբ ընդունվեց ՀՀԿ խմբակցության առաջարկը: