ԳԱԱ Գիտակրթական միջազգային կենտրոնը հավատարմագրվեց 4 տարով

ԳԱԱ գիտակրթական միջազգային կենտրոնը ստացավ ինստիտուցիոնալ հավատարմագրում 4 տարի ժամկետով: Նման որոշում  կայացրեց Մասնագիտական կրթության որակի ապահովման ազգային կենտրոնի (ՈԱԱԿ) հավատարմագրման հանձնաժողովը:

ԳԱԱ Գիտակրթական միջազգային կենտրոնում փորձաքննություն իրականացրած փորձագիտական խմբի ղեկավար Էդուարդ Հակոբյանը նիստի ընթացքում ամփոփ ներկայացրեց փորձաքննության արդյունքները և  բուհի կազմած  փորձագետների մատնշած թերությունների վերացման ծրագրի իրատեսականությունը: Հանձնաժողովը հարցեր ուղղեց փորձագիտական խմբի ղեկավարին և բուհի ներկայացուցիչներին, այնուհետև տեղի ունեցավ դռնփակ քվեարկություն:

ԳԱԱ Գիտակրթական միջազգային կենտրոնը ինստիտուցիոնալ հավատարմագրում ստացած 19-րդ բուհն է Հայաստանում: