Մրցակցի թույլ կողմերի մասին կխոսեմ վաղը․ Արթուր Պետրոսյան

Վաղը՝ մարտի 26-ին ֆուտբոլի Հայաստանի ազգային հավաքականը կանցկացնի ԱԱ-2018-ի ընտրական փուլի հերթական հանդիպումը՝ սեփական հարկի տակ մրցելով Ղազախստանի հավաքականի հետ։ Այսօր տեղի ունեցավ Հավաքականի գլխավոր մարզիչ Արթուր Պետրոսյանի նախախաղային մամուլի ասուլիսը։

- Ես ասում եմ, որ դժվար խաղ կլինի, մրցակիցն ուժեղ է։ Սպասում ենք լարված խաղի։

Պաշտպանության աջ թևում լուրջ մրակցություն է, ու՞մ կտեսնենք վաղն այդ դիրքում։

- Կամո Հովհաննիսյանն իր ակումբում խաղում է կիսապաշտպանության գծում։ Հովհաննես Համբարձումյանը մի փոքր վնասվածք ունի և դեռ հայտնի չէ վաղը կմասանկցի խաղին, թե ոչ։ Մանոյանի վնասվածքը մեծ կորուստ էր մեզ համար և պետք է ելք գտնել։ Կարծում եմ կկարողանանք ճիշտ որոշում կայացնել։

- Ի՞նչ կասեք մրցակցի մասին և որքանո՞վ է Մխիթրայանը պատրաստ խաղին։

- Հենրիխի մարզավիճակը շատ լավ է։ Ղազախստանի խաղը մենք վերլուծել ենք, և գիտենք ուժեղ և թույլ կողմերը։ Պայքարող թիմ է և ֆիզիկապես շատ ուժեղ։ Իսկ թույլ կողմերի մասին կխոսենք վաղը։ Ի՞նչ մարզավիճակում է Արաս Օզբիլիսը։

- Արասը իր թիմում հիմնական կազմում չի խաղում։ Ֆիզիկական վիճակի հետ կապված ավելացնելու տեղ կա։

- Այս խաղի համար հրավիրված քիչ ֆուտբոլիստներ կան Հայաստանի առաջնությունից։ Արդյո՞ք առաջնությունում չկան հավաքականի մակարդակին համապատասխան ֆուտբոլիստներ։

- Կան թեկնածուներ, պարզապես դեռ չեն հասցրել ձեռք բերել մարզավիճակ, քանի որ ձմեռային դադարից հետո ընդամենը 3 տուր է տեղի ունեցել առաջնությունում։

- Հետևու՞մ եք «Ռոստով»-ի պաշտպան Խորեն Բայրամյանի խաղին։

-Բայրամյանի հետ կապնվել ենք Մոնտենեգրոյի հետ խաղից հետո և պայմանավորվածություն էինք ձեռք բերել հանդիպել, բայց ինչ-ինչ պատճառներով չստացվեց հանդիպումը։ Այս խաղից հետո կրկին փորձելու ենք կապնվել։

- Հնարավո՞ր է Մխիթարյանին տեսնենք հարձակվողական գծում։ Հենրիխը ձախ պաշտպան էլ կարող է խաղալ (ծիծաղում է)։ Հավաքականում չեմ տեսնում իրեն հարձակվողի գծում, քանի որ նա պետք է խաղ կազմակերպի և թիմին տանի իր ետևից ։