7 տարի է` ամուսնացել եմ, երեխա չունեմ, ո՞նց անեմ. թալինցին՝ Ծառուկյանին

Արդեն հայտնել ենք, որ «Ծառուկյան» դաշինքի ղեկավար Գագիկ Ծառուկյանը նախընտրական քարոզարշավի շրջանակներում հանդիպեց Արագածոտնի մարզի բնակիչների հետ: Հանդիպումների ավարտին, ձևավորված ավանդույթի համաձայն, քաղաքացիները մոտենում էին Ծառուկյանին ու խնդրանքներով դիմում:

Armtimes.am-ի տեսախցիկը ֆիքսել է՝ ինչպես, մինչ ավտոմեքենան նստելը, Ծառուկյանին մոտեցավ մի տղամարդ և վրդովված ասաց, որ յոթ տարի է` ամուսնացած է և երեխաներ չունի: «Մաստարա գյուղից եմ, ամուսնացել եմ, 7 տարի է` երեխա չունեմ,  ո՞նց անեմ»,- դիմելով Գագիկ Ծառուկյանին՝ ասաց տղամարդը: Ծառուկյանն էլ առաջարկեց զանգահարել ինչ-որ մեկին, ով էլ կզանգահարի հայտնի բժիշկ Օկոևին և կտեղեկացնի խնդրի մասին: