ԵՄ-ի և ՀՀ-ի միջև ազատ առևտրի գոտու ստեղծման մասին համաձայնագիրը կարող է ստորագրվել մոտ ժամանակներս. Տիգրան Սարգսյան

Եվրամիության և Հայաստանի միջև ազատ առևտրի գոտու ստեղծման մասին համաձայնագիրը կարող է ստորագրվել մոտ ժամանակներս: Այդ մասին, ըստ ТАСС-ի, Բեռլինում հայտարարել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը: «Կարծում եմ` մոտ ժամանակներս այն կստորագրվի»,- ասել է նա:

«Հայաստանի դիրքորոշումը մշտապես  եղել է այն, որ մենք պետք է աշխատենք ինչպես ԵՄ-ի, այնպես էլ ԵԱՏՄ-ի հետ: Մենք չպետք է հակադրենք այդ երկու վեկտորները»,- նշել է Սարգսյանը:

Նրա խոսքով` Հայաստանը և ԵՄ-ն ստիպված են նորից սկսել աշխատանքը ազատ առևտրի գոտու մասին համաձայնագրի վրա, քանի որ նախորդ տարբերակը արգելափակվել է Բրյուսելի կողմից: «Ցավոք, բանակցությունների վերջին փուլում եվրոպացի գործընկերների դիրքորոշումը դարձավ ավելի կոշտ, այդ պատճառով գործընթացը նորից սկսեցինք»,- պարզաբանել է նա: