Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր Մայր Աթոռ Սուրբ Էջմիածնում նախատեսված է հատուկ ժողով՝ Պոլսո հայոց պատրիարքի փոխանորդ Արամ Աթեշյանի, եպիսկոպոս Սահակ Մաշալյանի մասնակցությամբ և Ամենայն Հայոց կաթողիկոս Գարեգին Բ-ի գլխավորությամբ:
Չնայած լուրերին, որ Աթեշյանը Հայաստան չի ժամանելու, Yerkir.am-ին Մայր աթոռի մամլո դիվանից տեղեկացրեցին, որ նա ժամանել է Հայաստան: Նշենք, որ հանդիպման նպատակը Պոլսո հայոց պատրիարքի ընտրությունների կազմակերպման վերաբերյալ անհամաձայնությունների և խնդիրների հարթումը ու համատեղ լուծում գտնելն է:
Երեկ Թուրքիայի հայ համայնքի մի խումբ ներկայացուցիչներ բաց նամակով դիմել էին Ամենայն Հայոց կաթողիկոս Գարեգին Բ-ին՝ պահանջելով հորդորել Արամ Աթեշյանին` հրաժարական տալ: «Որպեսզի պատրիարքական ընտրություններն անցկացվեն արդար և թափանցիկ, խնդրում ենք Ձեզանից, որ խորհուրդ տաք Արամ Աթեշյան Սրբազանին՝ մի կողմ թողնել անձնական կրքերը և հրաժարվել փոխանորդի պաշտոնից, իսկ մեր հոգևորականներին առաջարկեք անկողմնակալ տեղապահ ընտրել»,- նշված էր նամակում: