Փոխարժեքներ
24 10 2024
|
||
---|---|---|
USD | ⚊ | $ 387.67 |
EUR | ⚊ | € 417.83 |
RUB | ⚊ | ₽ 4.01 |
GBP | ⚊ | £ 503.04 |
GEL | ⚊ | ₾ 142.04 |
«Հայկական ժամանակ» օրաթերթը գրում է․ «Գագիկ Ծառուկյանի շուրջ նախընտրական դաշինքի ձևավորումը ձգձգվում է, և չի բացառվում, որ այն նախապես սպասվածից ավելի փոքրաթիվ լինի:
Արդեն հայտնի է, որ ՀՌԱԿ-ի հետ այդ համագործակցությունը առկախվեց: Ռամկավար ազատական կուսակցության հայաստանյան կառույցի ղեկավար Հակոբ Ավետիքյանը որոշել էր միանալ Ծառուկյան դաշինքին՝ ներկայացնելով, թե արտերկրում կուսակցության բոլոր կառույցները համամիտ են իր հետ, քանի որ Ծառուկյանը ցանկանում է միավորել Հայաստանի, Արցախի և սփյուռքի հայությանը: Բայց ընդամենը երկու օր առաջ պարզվեց, որ պարոն Ավետիքյանը բոլորովին էլ չի ունեցել մյուս կառույցների աջակցությունը:
Ծառուկյանին միանալ ցանկացող ևս մեկ սփյուռքահայաստանյան կուսակցություն՝ ՍԴՀԿ-ն նույնպես այդ հարցում խնդիրներ ունի: ՍԴՀԿ ղեկավար Նարեկ Գալսյանը եթե մինչ այժմ հայտարարում էր, որ միանալու է դաշինքին, երեկ արդեն նահանջել էր և հավելում էր, թե դեռ քննարկումները շարունակվում են և այսօր կամ վաղը ամեն ինչ պարզ կդառնա:
Ավելին՝ շաբաթներ առաջ Ծառուկյանի վերադարձը նախապատրաստող «Միասնություն շարժումը» նույնպես այսօր երկընտրանքներ ունի: Շարժման ղեկավար Արման Վարդանյանն էլ ասել է, որ դեռ քննարկումները շարունակվում են և առաջիկա 1-2 օրերի ընթացքում ամեն ինչ պարզ կդառնա»:
Մանրամասն՝ թերթի այսօրվա համարում: