Թուրքիայում հեռացրել են հայերեն` «Բարով եկաք Արտամեդ» ցուցանակը

Ներկայիս Թուրքիայի տարածքում գտնվող հայկական Վան նահանգի քաղաքապետարանն այդ շրջան մուտքի մոտ տեղադրել է ցուցանակ՝ քրդերեն, թուրքերեն, հայերեն և անգլերեն գրությամբ:

Ըստ Demokrathaber-ի՝ քաղաքապետարանում իշխանությունների կողմից նշանակված հսկիչ Աթըֆ Չիչեքչին հեռացնել է տվել ցուցանակի հայերեն գրառումը:

Կայքը նշում է, որ Վանա լճի ափին գտնվող Էդրեմիթ շրջանում հայերի զգալի հետքեր կան: Այդ շրջանում է  գտնվում նաև հայ նկարիչ Արշիլ Գորկու անունով աղբյուր, որը կառուցվել է քրդամետ «Դեմոկրատական շրջաններ» կուսակցության կողմից:

Կայքը շեշտում է, որ հսկիչը ոչ մի պատճառ չի ներկայացրել հայերեն ցուցանակը հեռացնելու վերաբերյալ: