Ամերիկացի լրագրողները քննադատական բաց նամակ են հղել Թրամփին

Ամերիկյան մամուլի ներկայացուցիչները ԱՄՆ նորընտիր նախագահ Դոնալդ Թրամփին բաց նամակ են հղել, որում քննադատել են երկրի նոր ղեկավարի որոշ գործողություններ: Լրագրողների անունից նամակի հեղինակը` Columbia Journalism Review-ի գլխավոր խմբագիր Քայլ Փոուփը, Թրամփի աշխատակազմի և ամերիկյան մամուլի հարաբերությունները «լարված» է որակել. նոր նախագահին քննադատում են թվիթերյան իր միկրոբլոգում լրագրողների հասցեին հնչեցրած արտահայտությունների, իր գործունեությունը լուսաբանելուն խոչընդոտելու, մամուլից խուսափելու և այլնի համար:

Մամուլի ներկայացուցիչները թեև ընդունում են, որ դա նորընտիր նախագահի իրավունքն ու ընտրությունն է, սակայն նշում են, որ հենց ԶԼՄ-ներն են որոշում, թե ինչպես է ճիշտ տեղեկատվությունը հաղորդել ընթերցողներին և ունկնդիրներին: