Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 7 տարի առաջ - 2017-01-14 11:50
Տարածաշրջան

«Ցեղասպանություն» բառի համար Փայլանին արգելել են մասնակցել մեջլիսի նիստերին

«Ցեղասպանություն» բառի համար Փայլանին արգելել են մասնակցել մեջլիսի նիստերին
Թուրքիայի քրդամետ Ժողովուրդների դեմոկրատական կուսակցության՝ ազգությամբ հայ պատգամավոր Կարո Փայլանի մասին ամոթալի որոշում է կայացվել:

Ըստ «Ակօս»-ի՝ սահմանադրական փոփոխությունների վերաբերյալ մեջլիսում քննարկումների ժամանակ ազգային փոքրամասնությունների իրավունքների մասին ելույթ ունենալիս Փայլանն անդրադարձել է նաև Հայոց ցեղասպանությանը: Նա 1915 թվականի իրադարձությունները «ցեղասպանություն» է անվանել, ինչը հարուցել է Էրդողանի «Արդարություն և զարգացում», ընդդիմադիր Ժողովրդահանրապետական, ինչպես նաև «Ազգային շարժում» կուսակցությունների պատգամավորների զայրույթը:
Նրանք պահանջել են դադարեցնել նիստը, ապա՝ դատապարտել Փայլանի հայտարարությունները: Նրանց հատկապես դուր չի եկել «ցեղասպանություն» բառը և միաձայն որոշել են Փայլանի բոլոր հայտարարությունները չարձանագրել մեջլիսում ելույթների թվում:

Բացի այդ` ընդմիջումից հետո նիստի դահլիճ վերադարձած Էրդողանամետ և ընդդիմադիր պատգամավորները զավեշտալի որոշում են կայացրել, համաձայն որի` Փայլանը, որպես «պատիժ», կզրկվի երեք նիստի մասնակցության իրավունքից:

Ուշագրավն այն է, որ հայ պատգամավորի ելույթից դժգոհ թուրք պատգամավորները փորձել են խանգարել նրա ելույթին՝ դիմելով մեջլիսի փոխնախագահին: Փայլանը, սակայն, շարունակել է իր ելույթը՝ ասելով. «Մի ժամանակ 40 տոկոս էինք կազմում, իսկ հիմա՝ մեկ: Ըստ երևույթին` մեզ հետ ինչ-որ բան է պատահել, որ... Ես դա անվանում եմ ցեղասպանություն, դուք դրան ինչ կուզեք՝ անվանեք: Եկեք դրա անունը միասին որոշենք և շարունակենք մեր ճանապարհը: Ես շատ լավ գիտեմ՝ ինչ է եկել հայ ազգի, պապերիս գլխին»:

Փայլանի մասին ընդունված ամոթալի որոշումից հետո ԺԴԿ անդամները Փայլանի հետ լքել են նիստերի դահլիճը:
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը