Իսկ ինչո՞ւ պետք է «Կարինը» պետական կարգավիճակ ունենա. մշակույթի նախարար

Այսօր «Ազատություն» ռադիոկայանի ֆեյսբուքյան ասուլիսի ժամանակ ՀՀ մշակույթի նախարար Արմեն Ամիրյանին օգտատետերից մեկը հարցրել էր, թե ինչո՞ւ «Կարինը» չունի պետական կարգավիճակ: Ի պատասխան` նախարարը նշեց` իսկ ինչո՞ւ պետք է ունենա պետական կարգավիճակ:

Ըստ Ամիրյանի` պետության բեռը պետք է թեթևացնել, և եթե մշակութային կոլեկտիվը պահանջված է, նա չպետք է պետական կարգավիճակի կարիք ունենա: «Ներկայացրեք ծրագրեր, և մենք կֆինանսավորենք դրանք: Խոստանում եմ, որ այդ գումարն ավելի շատ կլինի, քան պետական ֆինանսավորումը, բայց մի' ակնկալեք, որ պետք է չաշխատեք և ստանաք գումարներ: Ներկայացրեք ծրագրեր և ձեր պնդումները, թե ծրագրի իրագործմամբ ինչ խնդիր ենք լուծելու, և մենք անպայման կարձագանքենք»,- ասաց նախարարը: