«Անախորժ տարին մնաց անցյալում». Յըլդըրըմը հանդիպել է նաև Պուտինի հետ

Մոսկվա այցելության շրջանակներում երեկ Թուրքիայի վարչապետ Բինալի Յըլդըրըմը հանդիպել է նաև նախագահ Վլադիմիր Պուտինի հետ:

Ըստ Demokrathaber-ի՝ 1 ժամ 15 րոպե տևած փակ հանդիպման ընթացքում Յըլդըրըմը խոսել է «անցյալի անախորժությունների մասին»:

«Անախորժ տարին մնաց անցյալում: «Թուրքական հոսք»-ը գնալով ավելացնում է  էներգետիկ անվտանգությունը: Ատոմակայանի կառուցման աշխատանքները լիարժեք ընթանում են: Ներդրումներն ավելացնելու հարցում որոշումներ ընդունեցինք»,- հայտարարել է նա:

Թուրքական կայքի հաղորդմամբ՝ Պուտինը հանդիպման ընացքում «Թուրքական հոսքի»  կառուցման վերաբերյալ պայմանագիրը ստորագրելու համար շնորհակալություն է հայտնել Էրդողանին: