Վարչապետի` բարեփոխումների առաջարկը հստակ չէր ներկայացված ո՛չ ժողովրդին, ո՛չ էլ Սփյուռքին. Արսինե Խանջյան

«Արդարություն Հայաստանում» նախաձեռնության շրջանակներում այսօր հրավիրված մամուլի ասուլիսում դերասանուհի Արսինե Խանջյանը խոսեց վերջին շրջանում Հայաստանում տեղի ունեցող քաղաքական իրադարձությունների մասին:

Ըստ նրա`  կառավարության փոփոխությունը ցուցյ տվեց, որ իշխանության կողմից փոփոխության անելու ջանքեր են արվում, բայց, ցավոք,  դրանից այնկողմ, դերասանուհու կարծիքով, չանցան նրանց քայլերը:

«Այսինքն` փոփոխությունների առաջարկները, տնտեսական բարեփոխումներից բացի, ըստ երևույթին, բացարձակապես լրջորեն արժեքներ չունեն: Վարչապետի` բարեփոխումների առաջարկը հստակ չէր ներկայացված ո՛չ ժողովրդին, ո՛չ էլ Սփյուռքին: Ես, օրինակ, այդպես էլ չիմացա վարչապետի մոտեցումները դատարանների կամ մարդու իրավունքների վերաբերյալ»,- ասաց դերասանուհին: