Անբնական կլիներ, որ միայն քաղաքականությամբ հետաքրքրվեինք. Սերժ Թանկյանը, Արսինե Խանջյանը կգնան Արցախ

Տեղեկացրել էինք, որ Հայաստանում են Սփյուռքի մի շարք ականավոր մշակութային գործիչներ` այստեղ կայանալիք ընտրական գործընթացին հետևելու:

Yerkir.am-ի հարցին` ընտրությունների օրը համընկնում է նաև ապրիլյան պատերազմի տարելիցի հետ, հնարավո՞ր է նաև Արցախ այցելեն, System of a Down աշխարհահռչակ ռոք խմբի երգիչ, երգահան Սերժ Թանկյանը պատասխանեց, որ, այո, անպայման այցելելու են: «2001-ին եմ առաջին անգամ եղել և հիմա էլ ուզում եմ նորից գնալ»,- ասաց նա:

Դերասանուհի Արսինե Խանջյանն էլ նշեց, որ Արցախ այցելելն իրենց ազգային պարտքն է: «Զինվորների համար, ովքեր կանգնած են սահմանին, անբնական կլիներ, որ միայն քաղաքական գործընթացների վրա ուշադրություն դարձնեինք ու Արցախ չայցելեինք»,-ասաց նա: