Գյուլենի հետևորդները բանտում կտտանքների են ենթարկում Հրանտ Դինքին սպանողին. Vatan

Կ.Պոլսում լույս տեսնող հայկական «Ակօս» թերթի գլխավոր խմբագիր Հրանտ Դինքին սպանող Օգյուն Սամասթին բանտում կտտանաքների են ենթարկում Էրդողանի գլխավոր ընդդիմադիր, կրոնական առաջնորդ, ամերիկաբնակ Ֆեթուլլահ Գյուլենի հետևորդները: Այդ մասին տեղեկացնում է Siyasihaber3-ը՝ վկայակոչելով Vatan-ին:

Նման պնդում է առաջ քաշել մարդասպանը՝ պահանջելով իրեն այլ բանտախուց տեղափոխել: «Ինձ սպնելու են, տեղափոխեք այլ բանտ»,- դատախազությանը հղած նամակում խնդրել է Սամասթը:

Մարդասպանի կինը հաստատել է ամուսնու պնդումները՝ իր հերթին պահանջելով ամուսնուն այլ բանտախուց տեղափոխել:

Դատախազության որոշումը դեռևս չի հայտարարվել, սակայն դատարանի նախագահ Ջանել Ռյուզգարը նույնպես պահանջել է նրան այլ բանտախուց տեղափոխել: