Դինքի սպանության կազմակերպիչներից մեկը գիրք է գրել սպանության մասին

Պոլսում լույս տեսնող հայկական «Ակօս» թերթի գլխավոր խմբագիր Հրանտ Դինքի սպանության կազմակերպիչներից Էրհան Թունջելը գիրք է հրատարակել սպանության մասին:

Ըստ T24-ի՝ Թունջելը «Հրանտ Դինքի սպանության մութ կողմերը և Ամերիկայի ենիչերիները» գրքի միջոցով փորձել է լույս սփռել Դինքի սպանության անհայտ կողմերի վրա: Գրքում սպանության ամբողջ մեղքը բարդվել է հուլիսի 15-ին Թուրքիայում ռազմական հեղաշրջման փորձը գլխավորելու մեջ այդ երկրի իշխանությունների կողմից մեղադրվող և Թուրքիայում ահաբեկչական համարվող Գյուլենական շարժման վրա:

«Մենք իրականում հանցագործ չէինք: Ես առաջին մարդն էի, ովդուրս եկավ Հրանտ Դինքի սպանության դեմ  և առաջին հստակ քայլը արեց: Սակայն ինչ-որ կենտրոնի կողմից ներկայացվեցինք որպես սպանությունն ուղղորդող: Այդ կենտրոնն այժմ հայտնի է «Ֆեթուլլահական ահաբեկչական կազմակերպություն» անունով»,- գրել է Թունջելը: