Գեղամավանում հրավառության ճայթիչ է եղել, ոչ թե կրակոցներ. ոստիկանության պարզաբանումը

ՀՀ ոստիկանության տեղեկատվության եւ հասարակայնության հետ կապերի վարչության պետ Աշոտ Ահարոնյանը գրում է.

«Սեպտեմբերի 30-ին, ժամը 21-ն անց 20-ին ոստիկանությունում ահազանգ է ստացվել, որ Գեղամավան համայնքում կրակոցներ են հնչել:
Ոստիկանության ձեռնարկած ստուգումների արդյունքում պարզվել է, որ կրակոցներ չեն եղել. համայնքի գլխավոր փողոցում , ահազանգողի տնից ոչ հեռու, հրավառության ճայթիչ է օգտագործվել, ինչն էլ ահազանգի պատճառ է դարձել:
Դեպքով նյութեր են նախապատրաստվում»:

Հիշեցնենք, որ ավելի վաղ մամուլում տեղեկատվություն էր տարածվել, թե Գեղարքունիքի մարզի Գեղամավան գյուղում կրակոցներ են հնչել: Գեղամավանի գյուղապետը նշել էր, որ կրակոցները հնչել են իր տան, բայց չգիտի` կոնկրետ իր տան ուղղությամբ, թե ոչ: