Հայաստանն ու Իրանը Էներգետիկ ոլորտում բավականին լուրջ առաջընթաց են արձանագրել. «Իրատես»

«Իրատես»-ը գրում է . «Հայաստանն ու Իրանը Էներգետիկ ոլորտում բավականին լուրջ առաջընթաց են արձանագրել։ Ըստ իրանական «Իսնա» և «Իռնա» լրատվական գործակալությունների՝ Իրանում գտնվող ՀՀ Էներգետիկայի նախարար Լևոն Յոլյանը և Իրանի Էներգետիկայի նախարար Մաջիդ Նամջուն համաձայնագիր են ստորագրել, ըստ որի՝ Հայաստանին մատակարարվելիք 1 միլիոն խորանարդ մետր գազի ծավալները կդառնան 3 միլիոն խորանարդ։ Բացի այդ, Լևոն Յոլյանի հետ բանակցությունների ընթացքում պայմանավորվածություն Է ձեռք բերվել Հայաստանը դարձնելու տրանզիտ ուղի՝ իրանական գազը Վրաստան տեղափոխելու համար։

Ի դեպ, մինչ կանցնենք «Իռնայի» մյուս տեղեկատվությանը, նկատենք, որ այս փուլում, երբ Խորենացու փողոցում ընթանում Է, այսպես ասած, «տարածաշրջանի համար պայքարը», այս տեղեկատվությունը հայաստանյան Էներգետիկ այլընտրանքի մասով գուցե ոչ որոշիչ, այնուհանդերձ, բավականին «դիտարժան» Է։

 Առաջ անցնելով Էլ տեղեկացնենք, որ Իրանի նավթի նախարար Բիժան Նամդար Զանգանեն տեղեկացրել Է նաև, որ ՀՀ Էներգետիկայի նախարարի առաջարկով ստեղծվելու Է մի նոր համատեղ ընկերություն, որը կզբաղվի հայաստանյան և իրանական Էներգետիկ-գազային ծրագրերով, այդ թվում տարանցիկ՝ այլ երկրներ գազի տրանզիտի հարցերով։

 Մնում է տեսնենք՝  Ռուսաստանն ինչ կարծիքի է»,–գրում է թերթը։

 Մանրամասները՝ թերթի այսօրվա համարում։