300 մլն դրամի խախտում է հայտնաբերվել սոցփաթեթեներով հանգստի մեկնելու մասով

Այսօր կառավարության նիստում օրակարգին անցնելուց առաջ ՀՀ վարչապետ Հովիկ Աբրահամյանը անդրադարձավ սոցփաթեթներից հանգստի բաղադրիչի կասեցման հարցին, որը մեծ դժգոհություն առաջացրեց հանրության շրջանում: Նա նշեց, որ հանձնարարել է Վերահսկիչ Պալատի նախագահ Իշխան Զաքարյանին այդ մասով կատարել ուսումնասիրություններ և ներկայացնել զեկույց այդ ուսումնասիրությունների արդյունքների մասին:

Իշխան Զաքարյանը նշեց, որ մարտի 24-ին վարչապետի հանձնարարականի համաձայն իրականացվել են ստուգումներ և ուսումնասիրություններ սոցփաթեթների շահառուների հանգստի կազմակերպման ծախսերի մասով:

ՎՊ-ն ուսումնասիրություններ է իրականացրել Հայաստանի տարբեր զբոսաշրջային համայնքներում, հայտնաբերելով 300 միլիոն դրամի տարբեր խախտումներ:

Մասնավորապես՝ ստուգումներ անցկացնելով Ծաղկաձորի 21 հանգստյան տներում ու հյուրանոցներում, հայտնաբերվել է 28 մլն դրամի խախտում, Ջերմուկում ստուգումներ են անցկացվել 13 հյուրանոցներում ու հանգստյան տներում, որտեղ հայտնաբերվել է 43 մլն դրամի խախտում, Արզնիում՝ 22 միլիոն դրամի, Արտավազում՝ 10 միլիոն դրամի, Հանքավանում 4 մլն դրամի խախտումներ: Խախտումների ընդհանուր թիվը՝ 300 միլիոն դրամի խախտում: