Այս պահին Երևանում sett-weather
Փոխարժեքներ 25 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 10 տարի առաջ - 2014-02-07 09:17
Տնտեսական

Շուրջ 300 մլն դրամի անտեղի սուբսիդավորում է կատարվել

Շուրջ 300 մլն դրամի անտեղի սուբսիդավորում է կատարվել
«Հրապարակը» գրևում է . «Կառավարությունը երեկվա նիստում հաստատել է հողօգտագործողներին 2014 գյուղատնտեսական աշխատանքների համար «մատչելի» գներով դիզվառելիքի ձեռքբերման հերթական ծրագիրը, որի արդյունավետությունը կանխավ կարելի է գնահատել՝աչքի առաջ ունենալով հենց միայն 2013թ. արդյունքները։


Պարզվում է՝ Ֆլեշի Բարսեղի կողմից ներմուծվող դիզվառելանյութի իրացման գլխավոր մենեջեր Հայաստանի կառավարությունը, ոտ ու ձեռ ընկած, ամեն ինչ անում է, որպեսզի նշյալ ծրագրի սուբսիդավորման տեսքով հնարավորինս մեծ գումարներ դուրս բերի բյուջեից, իսկ թե որքանով այն նպատակային կօգտագործվի, այլևս երկրորդական հարց է։

 

Այլապես ինչո՞վ բացատրել հանգամանքը, որ 2013թ. աշնան գյուղատնտեսական աշխատանքների համար պետական աջակցության ծրագրով ձեռք բերված 14,3 մլն լիտր դիզվառելանյութից մինչ այս պահը մատակարար «Ֆլեշ» ընկերության պահեստներում մնացել է դեռևս 3,3 մլն լիտր վառելանյութ, որը կազմում է ծրագրով նախատեսվածի 23%-ը։


Ստացվում է, որ կառավարությունը շատ վատ մոնիտորինգ է իրականացրել՝ գոնե մոտավոր ճիշտ չգնահատելով իրական պահանջարկը։ Արդյունքում դիզվառելիքի շուրջ 300 մլն դրամի անտեղի սուբսիդավորում է կատարվել, որից, իհարկե, «Ֆլեշը» չի տուժել, տուժել է բյուջեն՝ որոշակի ժամանակահատվածի կտրվածքով։ Քանզի կառավարությունը սահմանել է, որ չիրացված դիզվառելիքի մասով սուբսիդիան բյուջե վերադարձման ենթակա չէ և կարող է վերաձևակերպվել 2014թ. ծրագրի իրականացման շրջանակներում»:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը