Համազգային թատրոնից գումար ու համակարգիչներ են գողացել

Ապրիլի 23-ի լույս 24-ի գիշերը Սոս Սարգսյանի անվան համազգային թատրոնի շենքից գողություն է կատարվել: Նախնական տեղեկություններով` թատրոնի կաբինետներից մեկից հափշտակել են համակարգիչներ և հանգանակության արկղը, որի մեջ առանձնապես խոշոր չափի գումար է եղել:

Նշված դեպքի կապակցությամբ Հայաստանի քննչական կոմիտեի Երևանի քննչական վարչության Կենտրոն և Նորք Մարաշ վարչական շրջանների քննչական բաժնում հարուցվել է քրեական գործ՝ ՀՀ քրօր.-ի 176 հոդվածի 2-րդ մասի (կողոպուտ, որը կատարվել է մի խումբ անձանց կողմից) հատկանիշներով:

Yerkir.am-ին ՀՀ քննչական կոմիտեից հայտնեցին, որ ձեռնարկված օպերատիվ քննչական գործողությունների արդյունքում պարզվել է կասկածյալի ինքնությունը, նա ձերբակալվել է: