Գոհ է ոչ միայն թատրոնից, այլեւ կոնյակից, տոլմայից...

2012թ. ապրիլի 23-ին` Շեքսպիրի ծննդյան օրը, Լոնդոնի «Գլոբուս» թատրոնում կմեկնարկի մեծանուն դրամատուրգին նվիրված փառատոնը, որին կմասնակցեն աշխարհի 37 երկրների թատրոններ ու թատերախմբեր, այդ թվում` Հայաստանից: Կազմակերպիչների ընտրությամբ փառատոնին կմասնակցի Գաբրիել Սունդուկյանի անվան ազգային ակադեմիական թատրոնը:

Փառատոնի նախագահ Թոմ Բըրդը նշեց, որ իրենց հայտնի է, որ այստեղ առանձնակի սեր են տածում Շեքսպիրի հանդեպ: «Գոհ եմ ոչ միայն հայկական թատրոնից, այլեւ կոնյակից, տոլմայից, մարդկանց ջերմ վերաբերմունքից»,- ասաց նա:

Յուրաքանչյուր մասնակից թատրոն կներկայանա իր մայրենի լեզվով եւ հանդիսատեսին կտրամադրվի միայն ներկայացման սինոպսիսը: