|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Այն վայրագությունները, որ ադրբեջանցիները կատարել են Արցախում, իրականության մեջ ցեղասպանությանը համապատասխան տարրեր են. այսօր Ծիծեռնակաբերդում լրագրողների հետ զրույցում ասաց ՀՀ պաշտպանության նախարար Սեյրան Օհանյանը: «Փորձը ցույց տվեց, որ Պաշտպանության բանակի ողջ անձնակազմը` հրամանատարները, զինվորները, հերոսություններ են արել` պաշտպանելով Արցախի անվտանգությունը»,- ասաց նա:
Սեյրան Օհանյանն, անդրադառնալով սահմանային իրավիճակին, նշեց, որ այս գիշեր մի քիչ լարված է եղել, հակառակորդը փորձել է ակտիվացնել կրակոցներն ականանետներից: Նրա խոսքով` տարածված այն տեղեկությունը, թե իբր հայկական տանկ է խոցվել, ադրբեջանական ղեկավարության սուտն է:
Նախարարը նշեց, որ քառօրյա պատերազմի ընթացքում հայկական կողմի ունեցած բացասական կողմերը վերլուծել են, և այդ ուղղությամբ միջոցներ ձեռնարկված են:
Հարցին, թե հնարավո՞ր է որևէ տարածք զիջվի Ադրբեջանին, նախարարը պատասխանեց. «Իհարկե` ոչ, ի՞նչ տարածքներ, ինչի՞ մասին է խոսքը, ես չեմ հասկանում: Արցախյան հարցը լուծելու համար նախևառաջ պետք են համապատասխան պայմաններ` վստահության մթնոլորտ լինի, այս իրականության մեջ մի թիզ հող անգամ զիջելու մասին խոսք լինել չի կարող»: