Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր ԱԺ-ում կառավարության հետ հարցուպատասխանի ժամանակ ՀՀԿ խմբակցության ղեկավար Վահրամ Բաղդասարյանը պաշտպանության նախարար Սեյրան Օհանյանից հետաքրքրվեց սահմանին տիրող իրավիճակի մասին: Նախարարը նշեց, որ միջնորդավորված ջանքերի արդյունքում պայմանավորվածություն է ձեռք բերվել դադարեցնել կրակը:
«Գլխավոր շտաբի պետերը Մոսկվայում հանդիպել են և եկել այն եզրակացության, որ պետք է ժամանակավորապես դադարեցնել կրակը: Մեզ համար հասկանալի է, որ տվյալ իրավիճակում ԼՂՀ ՊԲ շտաբի պետի մասնակցությունն այնքան էլ նպատակահարմար չէր մարտական գործողությունների այս դժվարին պայմաններում: Բանակցային այս պայմաններում նպատակահարմար չգտանք ԼՂՀ-ի մասնակցությունը, բայց բոլորիս համար հասկանալի է, որ ԼՂՀ-ն` որպես հակամարտության կողմ, մաս պետք է կազմի բանակցային գործընթացին: Այս դադարը օգտագործում ենք համապատասխան հետևություններ անելու և առաջիկա գործողություններին նախապատրաստվելու համար»,- ասաց նախարարը:
Նրա խոսքով` ՊԲ-ն պատրաստ է ցանկացած ոտնձգության և կանխարգելիչ միջոցառումների իրականացման: