Զոհված զինծառայողն ունի երկու եղբայր, երկուսն էլ` պայմանագրային զինծառայող

Հակառակորդի հետ թեժ մարտերի հետևանքով զոհվել է նաև պայմանագրային զինծառայող, շարքային Վարդան Թադևոսյանը: Նա ծնունդով Շիրակի մարզի Գետափի գյուղից էր:

Yerkir.am-ի հետ զրույցում Գետափի գյուղապետ Գոռ Ստեփանյանը նշեց, որ Թադևոսյանն ունի 2 եղբայր, երկուսն էլ` պայմանագրային զինծառայողներ են:

«Վարդանը, սակայն, ընտանիքով` մոր, հոր և եղբայրների հետ, դեռ 1995-ից հեռացել է գյուղից` բնակություն հաստատելով Ջաբրայիլում: Շատ բան չեմ կարող ասել նրանց մասին, 20 տարի է անցել, այն ժամանակ Վարդանը երեխա էր»,- ասաց գյուղապետը` հավելելով, որ զինվորի աճյունը, այնուամենայնիվ, տեղափոխվել է հայրական գյուղ, որտեղ էլ տեղի կունենա թաղման արարողությունը: