ԱԺ խորհրդարանական պատվիրակությունը Բրյուսելում շարունակում է իր աշխատանքները. Արտակ Զաքարյան

«Եվրանեսթ» ԽՎ-ում ՀՀ ԱԺ պատվիրակության ղեկավար Արտակ Զաքարյանը համացանցային գրառում է կատարել, որտեղ մասնավորապես ասվում է. «ԱԺ խորհրդարանական պատվիրակությունը Բրյուսելում շարունակում է իր աշխատանքները Եվրանեսթ ԽՎ 5-րդ լիագումար նիստի շրջանակներում։ Առավոտյան բյուրոյի նիստում մեր վրդովմունքը հայտնեցինք կատարվածի մասին` զորակցություն հայտնելով Բրյուսելի օդակայանում և մետրոյում տեղի ունեցած ահաբեկչության զոհերի հարազատներին»։

Նշենք, որ Արևելյան գործընկերության «Եվրանեսթ» խորհրդարանական վեհաժողովի հինգերորդ լիագումար նիստի աշխատանքներին մասնակցելու նպատակով Բրյուսել էին մեկնել «Եվրանեսթ» ԽՎ-ում ՀՀ ԱԺ պատվիրակության ղեկավար Արտակ Զաքարյանը, պատվիրակության անդամներ Միքայել Մելքումյանը, Թևան Պողոսյանը, Հրանտ Բագրատյանը, Մհեր Շահգելդյանը, Կարինե Աճեմյանը և Վահե Էնֆիաջյանը: Ինչպես նաև Բրյուսելում է ՀՀ ԱԺ պատգամավոր Շուշան Պետրոսյանը՝ վեհաժողովի լիագումար նիստի շրջանակներում վեհաժողովի կանանց ֆորումի աշխատանքներին մասնակցելու նպատակով: