Արցախում ՀՀ խորհրդարանական պատվիրակությունը կղեկավարի Շարմազանովը

Արցախում Ազգային ժողովի ընտրություններին Հայաստանից կմասնակցի խորհրդարանական պատվիրակություն, որը կղեկավարի Էդուարդ Շարմազանովը: Այդ մասին ՀՀԿ ԳՄ նիստից հետո հայտարարեց ՀՀԿ մամուլի խոսնակը:

  «Պատվիրակությունը բավականին  ներկայանալի կազմ ունի. ընդգրկված են պատգամավորներ խորհրդարանական բոլոր խմբակցություններից»,- նշեց Շարմազանովը:

Նա հայտնեց, որ հայ խորհրդարանականների պատվիրակությունն Արցախ կմեկնի մայիսի 2-ին: Նույն օրը երեկոյան հայ պատգամավորները հանդիպում կունենան Արցախի նախագահ Բակո Սահակյանի հետ:

 «Մայիսի 3-ին մենք կբաժանվենք տարբեր դիտորդական խմբերի, կդիտարկենք Արցախի Հանրապետությունում խորհրդարանական ընտրությունները, այնուհետև երեկոյան՝ նաև ձեր միջոցով մեր հանրությանը կտեղեկացնենք արդյունքների մասին»,- ասաց ԱԺ փոխնախագահը:  Նա հայտնեց  նաև, որ մայիսի 4-ին իրենք հանդես կգան մամուլի ասուլիսով, որի ընթացքում առավել մանրամասն կներկայացնեն ընտրությունների արդյունքները: