Տեղական դիտորդների մասով լուծում դեռ չկա. Դավիթ Հարությունյան

Այսօր ԱԺ-ում կազմակերպվել են խորհրդարանական լսումներ` ԸՕ նախագծի քննարկման համար` արտախորհրդարանական քաղաքական ուժերի ու հասարակական-քաղաքացիական կազմակերպությունների մասնակցությամբ:

Հիմնական զեկուցող` կառավարության աշխատակազմի ղեկավար-նախարար Դավիթ Հարությունյանը նշեց, որ աշխատանքային խումբը վերջնական լուծումների չի հանգել, և կառավարությունը լիազորել է աշխատանքային խմբին շարունակել աշխատանքը: Նրա խոսքով՝ կան արդեն մի քանի կետեր, որոնց շուրջ արդեն ձևավորվել են կոնսենսուսներ, դրանից մեկը ԶԼՄ-ների ու վստահելի անձանց թվի հետ կապված խնդիրն էր: Դավիթ Հարությունյանը նշեց, որ թվի սահմանափակումը բխել է մտահոգությունից, որ թեկնածուների վստահելի անձանց քողի ներքո տեղամասում չկուտակվեն կեղծ ԶԼՄ-ների ներկայացուցիչներ:

«Հանգում ենք այն եզրակացության, որ ԶԼՄ-ներին հանում ենք այդ սահմանափակումից, բայց ԶԼՄ-ների կողմից հավատարմագրվող լրագրողների թիվը պետք է կարգավորվի: Ինչ վերաբերում է տեղական դիտորդներին, դեռ լուծման չենք հանգել»,- ասաց Դավիթ Հարությունյանը: