ՓՄՁ ԶԱԿ հոգաբարձուների խորհրդի նախագահ է ընտրվել Արծվիկ Մինասյանը

Մարտի 16-ին ՀՀ էկոնոմիկայի նախարարությունում տեղի է ունեցել «Հայաստանի փոքր և միջին ձեռնարկատիրության զարգացման ազգային կենտրոն» (ՓՄՁ ԶԱԿ) հիմնադրամի հոգաբարձուների խորհրդի նիստը` օրակարգում ունենալով 3 հարց. Հայաստանի ՓՄՁ զարգացման ազգային կենտրոնի հոգաբարձուների խորհրդի կազմում փոփոխությունների կատարում, Հայաստանի ՓՄՁ զարգացման ազգային կենտրոնի հոգաբարձուների խորհրդի նախագահի ընտրություն և Հայաստանի ՓՄՁ զարգացման ազգային կենտրոնի գործադիր տնօրենի փոփոխություն:

Խորհուրդը Հայաստանի ՓՄՁ ԶԱԿ հոգաբարձուների խորհրդի կազմում ՀՀ էկոնոմիկայի նախարար Արծվիկ Մինասյանի ընդգրկվելն ընդունել է ի գիտություն: Դադարեցրել է Հայաստանի ՓՄՁ ԶԱԿ հոգաբարձուների խորհրդի կազմում ՀՀ էկոնոմիկայի նախարարի առաջին տեղակալ Գարեգին Մելքոնյանի լիազորությունները և ՀՀ էկոնոմիկայի նախարարի տեղակալ Հովհաննես Հովհաննիսյանին, որպես անդամ, ընդգրկել է Հայաստանի ՓՄՁ ԶԱԿ հոգաբարձուների խորհրդի կազմում:

Հայաստանի ՓՄՁ ԶԱԿ հոգաբարձուների խորհրդի նախագահ է ընտրվել ՀՀ էկոնոմիկայի նախարար Արծվիկ Մինասյանն` ի պաշտոնե:

Լսելով Հայաստանի ՓՄՁ ԶԱԿ-ի գործադիր տնօրենի փոփոխության հետ կապված հարցը, խորհուրդը որոշել է 2016թ. մարտի 17-ից դադարեցնել Հայաստանի ՓՄՁ ԶԱԿ-ի գործադիր տնօրենի պաշտոնում Գեղամ Պետրոսյանի լիազորությունները` հիմք ընդունելով աշխատանքից ազատման մասին իր դիմումը, և այդ պաշտոնում նշանակել Լևոն Մնացականյանին:

Երեք որոշումներն էլ ՓՄՁ ԶԱԿ հոգաբարձուների խորհրդի անդամների կողմից ընդունվել են միաձայն: Նիստի ավարտին անդրադարձ է եղել ՓՄՁ-ի աջակցության և դրանց զարգացման ուղղությամբ տարվող աշխատանքներին նոր թափ հաղորդելու անհրաժեշտությանը: